الكرسي

شو حلو صوت الخشب محمل عضهرو التعب
الكرسي قاعد، عم بهز شو بهم، أنا وصلت

شو حلو لون الأبيض بوقته طل الأبيض
لو خلصت أيام العز شو بهم، أنا وصلت

تعمدت ؟ ما بعرف ناسي حبيت ؟ يمكن ، أكيد
القصة ضاعت براسي شو بهم، أنا بقيت

منهم قبلي فلوا، راحوا اللي هروا الصبح بكير
متل الخريف بآذار لبسوا عباية حرير

فلت معهم، هجت معهم الوقت اللي كمل وقف
العقرب زهق من الحيط ضيع بالعد وخرف

مبارح وقف صوت الخشب ومعه هالكرسي وقف
بي و ولد ، كومة لعب شو بهم، دمي نشف

ما تبكي حرام الولد يقرا القصه من الاخر
امك ناطره يا ولد قلها فرحي، بيي مسافر

وبقي لوحده الخشب عم بهز، ساكت الصوت
قعدت محلي الغبره ضهرت انا، ومعي الموت